Diahuebs mainta a drenta informe di un caso di kiebro y ladronicia na alomenos 2 cas den construccion casi cla na Sabana Liber. Ademas nan a kibra drenta den containernan y a bay cu varios tools. E mas tristo ta cu na un di e casnan nan a bay cu frigidaire, stoof wasmachine, dishwasher y mas aparato domestico electrico. Na e otro cas a bay cu hopi material di construccion. E ladronicia aki a sosode den careda di 2’or di madruga ora cu un testigo lo a mira e vehiculo sospechoso den e area ey. Recherche tin hopi detayes di locual a sosode y pronto lo bay captura e ladronnan cu a bay cu e cosnan aki.
