Diahuebs mainta a drenta informe di cu tin un adicto ambulante drumi dilanti porta di La Piccola Marina, mesora a dirigi un patruya na e sitio. Na yegada di e patruya a bin constata cu aki ta trata di e conocido adicto ambulante cu tabata drumi dilanti e porta. E empleada a declara na polis cu esaki ta tuma lugar tur dia y cada biaha e adicto ta halsa contra e empleada y e empleada ta teme pa e adicto atak’e. Polis a lant’e y a advirtie pa wak esaki ta e ultimo biaha. E adicto a piki su cosnan y a bandona e sitio.
