Diadomingo mainta a drenta informe di un accidente hit & run na Seroe Patrishi, mesora a dirigi un patruya na e sitio. Na yegada di e patruya a bin compronde cu den oranan di anochi pa mainta un auto coriendo a baha caminda dal basta fuerte riba un auto staciona dilanti un compleho di apartamento y despues bandona e sitio. E chauffeur di e auto cu a hit & run a lubida cu e area ey ta full vigila pa camaranan di seguridad. Ademas di esey hopi evidencia a keda atras di e Volkswagen cu a ocasiona e accidente aki. Pronto polis lo pasa bishit’e y kizas detene y confisca su auto.
