E vision di AWE24 ta pa mantene un plataforma cu ta raporta y categoriza incidentenan pa asina asisti Pueblo den combati problemanan contemporario cu ta afecta nos sociedad. E ta un vision cu mas y mas hende den e sociedad Arubano ta comparti y den varios caso a sa di depende ariba e informacion cu AWE24 a trece padilanti pa yuda completa nan trabao. Pensa aki ariba nos cuerpo policial of companianan di seguro. Mas serca di Pueblo, AWE24 a logra yuda victimanan di entre otro ladronicia pa haya nan pertenencianan bek.
Pa Sales y Marketing por tuma contacto cu AWE24 na e siguiente email adres:
HISTORIA
Dia 7 di maart 2004, un noticiero bao titulo di 2×24 a cuminsa raporta incidentenan cu ta pasa ariba nos isla. E noticiero tabata wordo raporta pa Sr. Richard Laclé y tabata wordo transmiti tres biaha pa siman for di Caribbean Super Station (CSS canal 24) ariba Cable TV Aruba. Pa e website di Bo Canal 24 esta CSS, Dot 1 Technologies a desaroya un plataforma cu el a duna como titulo Mo-Blog. Esaki ta afkorting pa Mobile-Blogging. E idea, cual temponan aya tabata ser considera inovativo, ta ensera e posibildad pa saka un potret via bo telefon celular, agrega texto, email esaki pa e website y den un instante e fragmento lo parece ariba Internet. Mo-Blog tabata wordo usa pa 2×24 y den su prome try-run a raporta e caida di nos natural bridge y e desaparicion di Natalee Holloway. Sr. Richard Laclé a raporta esaki cu solamente un VGA camera di un Nokia GSM model 6230. Pues e servicio aki tabata e trendsetter y prome noticiero cu a raporta al instante via Internet pa e pueblo Arubano.
Na aña 2008, ariba februari 17 pa ta exacto, e reportero Sr. Richard Laclé a cuminsa bek cu su profesion den e forma di un website bao titulo AWE24. E estilo lo tabata similar cu 2×24 solamente cu e medio lo tabata Internet. Cu e vision mantene un plataforma cu ta raporta y categoriza incidentenan pa asina asisti Pueblo den combati problemanan contemporario cu ta afecta nos sociedad, AWE24 tin como meta pa keda semper un paso dilanti di e competidor. Asina nos ta e prome di a introduci integracion cu Facebook y Twitter y a crea nos propio Boletin di Tempo cu ta agrega datos for di NASA y NOAA. Den e version actual nos ta sigui inova y awor nos ta prome website di Aruba cu a introduci Geolocation, QR code pa bo telefon y un website cu ta HTML5 ready.
DESAROYO TECHNICO
Loke ta haci AWE24 diferente di e competidor ta sinta na e presentacion di su producto. E testamento cu e desaroyo di un website di noticia cu ta wordo traha cu su propio Content Management System (CMS) al final lo resulta den un producto na unda tur cos ta posibel y cu full control ariba e implementacion di e producto.
Akibao tin un lista di algun beneficio cu esaki ta trece cune:
- Mihor seguridad, stabilidad, y capacity-planning ariba servers.
- Ningun limitacion den loke e software y hardware por haci of por brinda.
- Site Performance y page loading-speed cu ningun competidor por vence.
- Minimalisacion di tempo entre raporta y presenta informacion.
- Resolvimento di problemanan of ‘bugs’ den un periodo mas cortico.
Al final esaki ta resulta na un bishita cu ta duna e lector mas balor pa su tempo dor di mustra e informacion mas liher y den un forma consistente. Den e version aki, e departamentonan technico ta bai asina leu di garantisa 0% down-time pa motibo cu e capacidad di cantidad di bishitante a ser surpasa, manera sa pasa regularmente serca nos competidornan.
SALES Y MARKETING
Si bo ta un comerciante cu kier target e populacion mundial cu ta papia papiamento, e ora AWE24 por ta un solucion. Ademas di ricibi un gran parti di bishitanan local, AWE24 ta ricibi bishitanan regular for di paisnan mane Hulanda, Merca, nos region caribeño y di paisnan habla hispana mane por ehempel Colombia, Venezuela y Costa Rica.
Nos estadisticas interno ta mustra cu luna tras di luna AWE24 ta sigui crece den cantidad di bishitante. E ‘metric’ (den Hulandes yama meeteenheid) cu nos ta usa pa midi e cantidad di usuarios ta ‘unique visitors’. Hopi websites na Aruba ta usa ‘hits’ of ‘page views’ pa justifica nan popularidad. Sinembargo, ‘unique visitors’ ta e unico metric cu ta nabo un indicacion mas preciso di cuanto usuarios ta bishita e website pa luna (den otro palabra, e cantidad di aparatonan cu un IP-ADDRESS unico cu a connecta na AWE24 via Internet pa luna).
Den e luna di augustus 2019, AWE24 a ricibi un total di 42,395 bishitantenan unico. Y manera a wordo menciona caba, e cantidad aki ta crece luna tras di luna! Pa tin un mihor indicacion ainda, nos ta conseha cualkier compania pa ehecuta nan mesun market research y den e manera ey evalua pa nan mes e popularidad di AWE24.
Si bo ta interesa y kier mas informacion pa pone propaganda,
- email nos na: r.lacle@awe24.com
SOCIAL MEDIA & LIVE STREAMING
Pa comienso di anja 2020 e compania The Key Productions a tuma over development di Awe24.com y a introduci plataforma di Social Media di Awe24.com riba Facebook como tambe YouTube. E meta di esaki ta pa asina por trece e publicashonnan di Awe24.com su website den bista di un audiencia activo riba social media. Usando entre otro Facebook su Live feature pa asina raporta diferente incidente cu ta bin ta sosode ariba e isla di Aruba manera cu nan ta pasa bibo for di e sitio. Y tambe publicando Videonan graba di incidentenan riba YouTube pa asina por pone esaki riba e website Awe24.com pa usuarionan por duna nan reaccion via Social Media. Tur esaki a logra hopi mas bishitante diario na Awe24.com como tambe a crese un Following grandi ariba Social Media. The Key Productions lo keda encarga cu maneha tur contenido di Awe24.com y tambe pa mantene e social media up to date. Den futuro lo kier logra yega na un App cu lo notificabo dibiaha riba mobile devices.
Pa advertisement via nos Social Media Platforms por contact via e email: thekey@awe24.com
TUMA CONTACTO CU NOS!
Feedback na nos servicio ta un aspecto cu nos ta tuma hopi serio. Si bo tin un remarca ariba un incidente por fabor tuma contacto na e siguiente email adres: r.lacle@awe24.com
Si bo ta desea pa pone propaganda of comunicado di prensa tuma contacto cu un reportero na: r.lacle@awe24.com
