ORANJESTAD, Aruba – 01 di october 2021: Aruba Bank, un bes mas ta participa den e prorama di CEDE Aruba, PITCH TIME, dedica na forma lidernan nobo na hobennan den nos comunidad.
Den luna di mei a start cu e di dos edicion di e proyecto aki “Bario Edition” unda hobennan mes mester a traha un proyecto pa nan bario unda nan por envolucra nan mes trahando riba proyectonan positivo.
E aña aki Aruba Bank a scoge e siguiente proyectonan pa patrosina y guia durante e trayecto di e proyectonan di September te cu December 2021:
Parke Familiar Tanki Leendert – cu tin como meta pa renoba e parke pa asina trece e hoben nan hunto cu nan famia den un ambiente familiar y pa traha un Greenhouse unda e hoben nan lo por siָña un tiki mas di nos naturalesa y agricultura.
Step It Up – un proyecto cu lo duna balor na materia di Culturele en Kunstzinnige Vorming (CKV), enfocando riba expresion di arte door di baile. Lo brinda e hoben les tocante salud y e importancia di socialisa y organiza un competencia di baile den scolnan pa na final recauda fondo pa yuda scolnan cu mester di material den e vak di CKV.
Wizz ‘Ucation – un proyecto cu ta ofrece ayudo di wiskunde online na Papiamento y posibilidad di sigui e les 2 biaha pa siman hasiendo uzo di lokalidad si no tin laptop/computer na cas. Meta di e proyecto ta pa conscientisa , educa y reforma e hoben nan conocimento den e mundo di wiskunde.
Aruba Bank super orguyoso di e Team Leadernan di e proyectonan Giandra Erasmus, Abigail Lugo, y Rafael Garcia y ta gradici e equipo di CEDE Aruba pa nan esfuerzo.
