Diabierna atardi a drenta informe di un auto na candela serca di Nuñe, mesora a dirigi patruya na e sitio. Na yegada di patruya na e sitio a bin encontra cu e vehiculo na candela pero den bario di Papaya. Aki polis a papia cu e doño di e vehiculo cu tabata kimando esaki pa deshaci su vehiculo bieuw. Polis a hala atencion di e doño y splic’e cu esey no mag y mesora a bay over na paga e candela aki. Brandweer a presenta na e sitio pero e candela tabata practicamente domina caba.
