ORANJESTAD, Aruba – 29  di November 2019: Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna. E empleado cu ta scogi ta esun cu durante di e luna a haci su maximo esfuerso pa brinda momentonan superior na tur esunnan cu bishita Aruba Bank of haci uzo di un manera of otro di un servicio di banco. Sra. Eveline Christiaans a ser selecciona durante di luna di November pa su positivismo, bon comunicacion y etica di trabou sobresaliente.

Sra. Eveline Christiaans, Senior Retail Banking Representative, semper ta duna un servicio superior na clientenan den su area di trabou. Aruba Bank ta reconoce e importancia pa refleha ariba calidad di trabounan duna na nos clientenan. Eveline su dinamismo, profesionalismo y eficiencia a haci cu el a wordo nomina y reconoci como un empleado superior. Aruba Bank ta felicita y gradici e miembronan di e famia di Aruba Bank cu a wordo nomina pa cliente y of colega pa yuda brinda tur cliente “Un Experiencia Superior”. Pabien Eveline!