Diadomingo atardi a drenta informe di cu tin un cas na candela na Kudawecha, mesora a dirigi tanto polis como bomberonan na e sitio. Na yegada di e patruya mesora tambe a yega bomberonan na e sitio. Bomberonan a baha tur e switchnan di coriente y a sera e botter di gas. Nan a drenta paden y combati e candela, nan a revisa den e plafond y a saca tur e huma cu un equipo cu nan tin y a supla aire den e cas. Slachtofferhulp tambe a ser solicita pa atende cu e muchanan cu tabata bao susto.
