Diasabra anochi a drenta informe di un accidente na e cruzada di Weststraat cu Professor Lorentzstraat. Mesora a dirigi un patruya na e sitio. Na yegada di e patruya a bin compronde cu un stationwagen lo no a duna preferencia na un pick up y nan a accidenta. E impacto tabata fuerte y a pone cu e pick up a kentel. Danjo material tabata hopi pero afortunadamente ningun persona a resulta herida.
