Diamars atardi a drenta informe di un accidente na e crusada Wilhelminastraat cu Adriaan Laclé Boulevard, mesora a dirigi patruya na e sitio. Na yegada di e patruya na e sitio a bin constata cu aki ta trata di un accidente pa falta di preferencia unda cu chauffeur di un Honda CR-V bayando pabao den Wilhelminastraat no a duna preferencia na un Toyota Tercel riba Adriaan Laclé Boulevard y a sali su dilanti causando un accidente. Afortunadamente ningun persona a resulta herida. E vehiculo Toyota a ricibi sla na e parti dilanti di e auto mientras cu e Honda a haya sla na banda di porta di chauffeur.
