Calabas/Kudawecha – E prome torneo di domino n’e unico Domino Square Garden na mundo, esta 99 Bar & Restaurant na Calabas, a caba c’un sla duro p’e team di Sero Blanco! E team recien forma, PARIBA LEGENDS, a yega vacuna, cu mondkap, y cu chip manda den brasa cu tur seña necesario. Ken ta para tras di e tecnologia nobo aki? Cua forsa siniestro por a pensa un plan asina? Un investigacion cortico a mustra cu nada menos Snor Perezta tras di menasa nobo aki den arena di domino.
TEAM SERO BLANCO “didn’t stand a chance”! Den prome ronde nan a bay atras cu score di 11 – 6. Ainda por tabata tin speransa. nan a acerca un guy den publico pa yuda nan, un guy den mundo di domino conoci como “Conar The Barberian”, pero e guy aki a contesta Team Sero Blanco cla y raspa bisando nan “Grow Up, M.”! Wel wel, cos un sigui mucho bon p’e team di “White Hill”… sin piedad, e team di pariba a sigui suta te cu nan a pasa linea recta p’e score final di 21 – 9!! Un golpi mortal pues p’e ego di “Witte Heuvel”!
E team nobo aki, PARIBA LEGENDS, ta promete di ta un weso nobo y duro. Pero hopi a puntra ta ki mishi Snor den nan? Con a para cu e team di Snor mes, esta TEAM SNOR? Tin rumores cu Snor lo a haya un “golden shoe-shake” for di su team bieu p’e donder op, pero te na closing dje relato aki, no no por a confirma esaki. Keda pendiente shonnan, pasobra pa dia 14 di augustus, tin otro batata ta stoba n’e unico Domino Square Garden na mundo!
