Dialuna madruga a drenta informe di un accidente cu hende herida banda di Huchada na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Nissan Cube cual tabata ser maneha pa un hoben bao influencia coriendo cu velocidad halto a perde control dal palo di lus kibra y a bolter. Debi na e impacto e chauffeur hunto cu otro 2 persona mas den auto a resulta herida. Na yegada di e ambulans nan a atende tur 3 victima y a transporta un di nan pa hospital mientras un otro a dicidi pa bay hospital cu un familiar y e ultimo no kier a bay hospital mes. Elmar a presenta na e sitio pa asina cambia e palo di lus pa por re-establece e suministro di coriente pa e bario.
