Diasabra anochi a drenta informe di un accidente cu hende herida na Hooiberg pariba di Pavia, mesora a dirigi tanto polis como ambulans na e sitio. Na yegada di e patruya a bin compronde cu un Ford Edge bayendo pabao a nota cu un auto a bay sali su dilanti y pa no dal den dje a purba desvia na man robez pero a bay dal semi-frontal cu un Honda Pilot di direccion contrario. E impacto tabata basta fuerte y ambos chauffeur femenino a resulta herida como tambe un dama pasahero den e Pilot. E 2 damanan den e Pilot a resulta seriamente herida y e chauffeur di e Edge tabata levemente herida. Na yegada di e ambulansnan nan a atende e 3 victimanan y e 2 victimanan mas seriamente herida a ser hiba hospital pa atencion medico mas avansa. E chauffeur mes cu a bay sali dilanti no a ni para pa baha wak kiko a sosode y a djies sigui bay.
