Diaranzon atardi a drenta informe di cu tin un caso di maltrato y destruccion na KFC na Santa Cruz, mesora a dirigi patruyanan na e sitio. Na yegada di e patruya a bin compronde cu un persona a agredi un empleado y a comete destruccion. E agresor ainda tabata den cercania y a logra detene e agresor pa maltrato y destruccion cometi na e lugar. E victima a ser avis pa bay hospital busca un relato medico di e lesionan ricibi y presenta esakinan na recherche pa entrega keho.
