Diamars madruga a drenta informe di cu bisiñanan ta scucha gritamento y kibramento di cosnan na un cas na Saliña Cerca, mesora a dirigi un patruya na e sitio. Na yegada di e patruya a bin compronde cu aki ta trata di un problema entre pareha unda un señora a haci aña y den e bebemento a start un discucion entre e homber cu e yiu di e señora unda e señora a ataca e meneer cu un cuchiu. E meneer tin un paar di rasca na su curpa tambe tin un corta basta bon y a pidi pa ambulans presenta. Den e cas tin basta sanger plama full rond y a pidi recherche como tambe e investigadornan technico y forensyco presenta y como cu a dal e porta sera y no kier habrie a pidi pa fiscal auxiliar. Na yegada di e ambulans nan a atende e victima y a bay cun’e na hospital. Despues di e tratamento na hospital a bay cu e victima na warda di polis.
