Diadomingo mainta a drenta informe di un accidente cu hende herida na Santa Cruz. Mesora a dirigi tanto polis como ambulans na e sitio. Na yegada di e patruya a bin compronde cu un chauffeur di un pick-up Ford lo no a regula velocidad ni mantene distancia y a dal tras di un Hyundai Accent. E chauffeur di e pick-up Ford tabata core cu dos diferente number y a splica polis cu e ta den proceso di cambia e number. E impacto tabata fuerte y un persona di edad halto, recien opera a resulta herida. Na yegada di e ambulans a atende e victima na e sitio mes.
