Diaranzon anochi a drenta informe di un pelea y hincamento na Savaneta. Mesora a dirigi varios patruya na e sitio. Na yegada di e patruya a bin compronde cu un hoben lo a staca un homber dos biaha den lomba. Polis a detene e hoben cu lo ta e sospechoso. Polis a pidi pa ambulans bini cu mas urgencia ya cu e persona a cay flauw y tabata tin problema di hala rosea. Na yegada di e ambulans nan a atende cu e victima y a transporte cu urgencia pa hospital. Polis a sera varios caminda pa e ambulans yega hospital mas liher posibel. Team Forensico y recherche tin e caso aki bao investigacion.
