Despues di un discucion na un supermercado victima a ricibi tiro riba su auto.
Diadomingo anochi a drenta informe di cu tironan a cay na Pos Chikito, mesora a dirigi patruyanan na e area ey, un rato despues a drenta un otro informe di cu un persona a core yega cas despues cu nan a tira riba dje y su auto a haya tiro. Eynan tambe polis a dirigi patruya na e sitio. A bin compronde cu a surgi un problema na un supermercado na Pos Chikito despues un Hyundai Getz shinishi glas color scur lo a los tiro riba dje y un tiro a alcansa su auto Mitsubishi Outlander cora. POlis a sera tur e areanan cerca unda e cosnan a sosode y a inicia un investigacion y ademas a bay colecta e grabacionnan di e camaranan di seguridad tanto di e supermercado como tambe di e casnan den cercania di unda e cosnan a pasa.
