Diasabra merdia a drenta informe di un accidente cu hende herida na e cruzada Wilhelminastraat/ Adriaan Lacle blvd., mesora a dirigi tanto polis como ambulans na e sitio. Na yegada di e patruya a bin compornde cu e chauffeur di e Kia Rio hatchback bayendo pabao den Wilhelminastraat no a duna preferencia na e Nissan March bayendo zuid den Adriaan Lacle Blvd. Debi na e impacto 3 persona a resulta levemente herida. Na yegada di e ambulans nan a atende e victimanan. Pa basta tempo caba e lusnan di trafico na e cruzada ey no ta funciona. Tur cos ta mustra cu eynan nan ta pensando di lo bay construi un rotonde (plat manera e 2nan den verbindingsweg) den un futuro cercano.
