Diasabra madruga a drenta informe di un accidente cu basta daño material na e rotonde dilanti airport, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un auto biniendo di pabao no a duna preferencia na e suv cu tabata birando e rotonde y e auto a dal e suv bir’e mand’e un distancia. Debi na e fuerte impacto ningun di e 2 autonan por a sigui core. A pidi pa takelwagen presenta y hiba esakinan nan respectivo adres. Aunke e impacto tabata fuerte y cu hopi daño material afortunadamente ningun hende a resulta herida.
