Awe mainta recherche di districto San Nicolas (DAR3) a hasi un entrada hudicial na un cas na Caya Bohi caminda a detene e homber di inisialnan J.P. nasi na Aruba di 30 aña di edad sospecha di a comete e atraco na Ton Li Supermarket dia 12 februari ultimo.
Durante e entrada hudicial no a confisca nada relevante.

Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141. Nos ta garantisa cu bo ta keda anonimo.