9 Februari 2021,  Paradera, — Diamars mainta e team di Payroll Pro HRM a pasa bishita ASD  pa yama nan un bon bini como cliente nobo di e programa y alabes midi e nivel di satisfaccion cu nan tin cu e programa. 

A sinta hunto cu Sra Ardy Heuts, cu ta trahando 5 aña como e financial controller di e ASD. Ardy ta conta con nan a yega na Payroll Pro HRM y con e programa ta yuda nan pa bira ‘paperless’. Esey ta un di e strategianan pa realisa nan meta principal locual ta: baha nan uzo di papel y elimina e uzo di plastic pa asina cuida e medio-ambiente. 

Ardy ta comenta: “Fin di aña 2020 nos a atende e seminario di Payroll Pro HRM na Hyatt Place, pasobra ya tabata tin interes pa haci e payroll inhouse. No pasobra nos no tabata contento cu nos accountant, sigur cu si, pero nos tabata kier mas control riba e payroll, economisa un tiki y tambe nos tin e manpower pa haciele in-house. Ora nos a mira e programa ‘live’  mi a bira contento pa wak cu e parti di HR vooral por yuda nos digitalisa nos proceduranan di ziekmeldingen, vakantieaanvraag, overtime y hopi mas”.

Na comienso di januari 2021 ASD a bira cliente nobo di Payroll Pro. Ardy ta splica con e prome payroll di aña a bay: “Mi colega Mabel Marin (HR manager) y mi persona a bay tur e cursonan di VCC (distribuidor di Payroll Pro HRM)  dus ora a yega tempo pa run e prome payroll di aña nos tabata hopi bon prepara. Un par di biaha so mi mester a yama pa haya un splicacion chikito. Tambe nos a laga VCC haci un audit y un clean-up di e database. E servicio di VCC ta hopi bon y mi ta confia e consultants ful den nan conocemento den tur area di salarisadministratie”. 

ASD Hotel Restaurant Equipment & Supplies NV ta existi desde 2003 y ta brinda mas cu cinco mil diferente producto pa hotelnan y restaurantnan na Aruba, pero tambe pa publico en general manera articulonan pa cushina of pa na mesa.  

Payroll Pro HRM ta existi desde 1993 y ta e software di HR y Payroll mas uza na Aruba y Caribe en general. 

• 

• 

• 

•