Polis di barrio Oranjestad a wak e dama subi den e taxi pirata banda di Postkantoor y polis a par’e bandi Topcar
Diaranzon mainta e polis di barrio cu a haya e encargo pa atende cu e asunto di taxi-pirata pa full Aruba tabata poniendo atencion banda di Postkantoor y a mira un chauffeur di edad haci e funcion ey despues di tanto tips cu a drenta cu e ta eherciendo esey, e oficial a ubica su mes na un sitio strategico banda di Postkantoor den un auto incognito a raporta esaki na e team enthousiasma tabata pendiente banda di Topcar. Mesora e team a prepara nan mes pa para e Chevrolet cora A26181 cual a caba di lanta e dama pa hib’e su destino. Unabes cu e dama pasahero bisa cu ela paga pa e servicio e chauffeur ta ser deteni y su auto confisca. E dama pasahero a ser hiba warda di polis na Oranjestad pa interrogacion mientra a solicita un vehiculo di transporte pa e chauffeur deteni y un takelwagen pa hiba e vehiculo confisca. Pues esaki ta un alerta cu polisnan ta controlando e asunto di taxi-pirata.
