Diaranzon madruga a drenta informe di un accidente na Stern na tanki Leendert, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un chauffeur bayendo pariba a haye obliga di kita na banda robez ora cu un otro a subi sali su dilanti. E maniobra aki a pone perde control y a bay dal riba un pilar di e cura di Stern. Polis a papia cu e chauffeur kende a admiti di a dal djies algun drinks pero no hopi, polis a pone supla y ela supla net un tiki mas cu e limite permiti y pa sali di tur duda polis a detene y hibe na warda pa pasa e test di alcohemia mas sigur. Afortunadamente ningun hende a resulta herida. 2 Vehiculo cu tabata staciona den e cura tambe a ricibi danjo ora parti dibe pilar y un porta dibhero a cay riba nan.