Diaranzon mainta a drenta informe di un caso di ladronicia for di den un auto na Tanki Leendert, mesora a dirigi un patruya na e sitio. Na yegada di e patruya a bin compronde cu aki ta trata di un caso di ladronicia for di un van cometiendo destruccion. Den e oranan di anochi pa mainta desconocidonan a destrui e bentana di e minivan di e compania y e ladron(nan) a reboltea den full e minivan y a bay cu un tas cu toolsnan special. Polis a tuma e keho di kiebro y ladronicia for di e auto. Notable di e caso aki ta cu 2 luna pasa ya caba e mesun cos aki a pasa cu e mesun persona y e mesun minivan di compania pero biaha pasa tabata e otro bentana a ser kibra.
