Oranjestad – 8 di februari 2021 – Pa sigui combati e riesgo di contaminacion di Covid-19, Aruba Bank inmediatamente a bin cu ideanan nobo pa yuda su fiel clientenan con pa haci e mihor uzo di nos servicionan digital.

A traha duro pa mantene diferente liña di comunicacion nan habri pa asina asisti tur persona cu tin un cuenta bancario na Aruba Bank via e Plataforma di Video, mihor conoci como Video Banking.

E opcion di Video Banking ta brinda e cliente di Aruba Bank e abilidad pa keda den contacto cu nan representante di banco durante e periodo di lockdown caminda nan ta keda ricibi e servicio di one-on-one, e experiencia personal cu ta haci e cliente contento.

Aruba Bank ta conciente cu e opcionnan bancario digital no ta mucho conoci ainda cerca tur su clientenan pero nan kier sigura cu nan tin un staff y team completo cu ta full getraind pa ta cla pa assisti y guia tur cliente di banco y di e manera aki sigura di brinda un experiencia superior.

Nos ta traha duro pa mantene nos cliente y staff completo safe durante e situacion fastioso cu nos tur ta pasando aden door di Covid-19 y

alabez nos kier invita tur cliente excistente y clientenan nobo pa uni cu e gran cantidad di clientenan contento cu ya caba a haci uzo di nos Video Banking for di e comfortabilidad di nan propio cas of oficina.

Pa mas informacion por bishita nos website: https://arubabank.com/Personal/Services/fast-and-easy-banking/video-banking pa asina lesa mas con pa cuminsa haci uzo di e servicio facil y liher di Video Banking.