ORANJESTAD, ARUBA (5 di februari, 2021) – Recientemente Cosecha a lansa a un campaña craetivo pa asina abo tambe por pasa un rato agradabel na cas y por participa pa gana un dinner pa 2 persona. Mirando e situacion actual di Covid 19 unda cu nos tur no por ta hunto manera normal e campaña aki ta uno cu sigur por participa sin preocupacion den famia.
E reglanan di e campana ta lo siguiente: busca un frame na Cosecha Oranjestad of San Nicolas. Oranjestad ta habri di dialuna 1.30pm – 6.30 pm y diamars pa diasabra 9.30am – 6.30pm. San Nicolas ta habri diahuebs, diabierna y diasabra di 12.30pm pa 6.30pm.
Usa bo creatividad y traha bo piesa unico den bo estilo. Por usa por ehempel, verf, cabuya, stift, papel y hopi mas. Post e riba facebook y conta nos na ken abo ta bay regala y piesa unico aki . Corda tag arubacosecha y incui e hashtag #CosechaInFrame y corda “share” e cu bo amigonan.
E ultimo dia cu por participa ta dia 25 di februari y e ganador lo ricibi un dinner pa dos persona cu por wordo usa na un di restaurantnan di Giannis group.
Tuma e temporada aki cu nos ta mas na cas como un empuhe pa bo por traha riba bo piesa unico y distrai bo mes pa ta mas creativo, inspira y participa na e grandioso campaña aki. Un yamada na un y tur cu tin un idea pa participa na e campañainovativo aki na unda tin e oportunidad pa diseña, craft y gana un dinner pa 2 persona.
Pa mas informacion por tuma contacto cu Cosecha Oranjestad na telefoon 5878709. Tambe por bishita e Facebook page di Cosecha:www.facebook.com/Aruba-Cosecha.
