Tin kabelnan di 60KV eybaonan y mester wak bon prome cu e trabaonan sigui!
Diabierna 5 di februari mainta, durante vigilacion di WEB Aruba, a bin ripara cu parti di e tereno cerca di The old man and the Sea ta marca cu staca y cu a inicia cobamento di e tereno. Bou di tera di e tereno marca, ta core dos cabel principal di coriente 60 KV, cu ta core di substation Zeewijk pa WEB na Balashi. E cabelnan aki ta di sumo importancia pa suministro di coriente pa nos isla. Un parti di e produccion di parke di molina di biento y parke solar na Lago Heights, ta bay WEB via e cabelnan aki pa wordo reparti den otro barionan. Cu un cable tracer y mapanan a check unda e cabelnan di halto voltahe ta core y a conclui cu e stacanan ta pasa over di e cabelnan. Cobamento eynan por resulta sumamente peligroso, pero tambe e por conduci na un black out. Pa e motibo ey y como medida di precaucion, a notifica autoridadnan competente pa para e trabounan inmediatamente. Pa seguridad di un y tur a conseha esnan responsabel pa e proyecto pa revisa nan plan. Di parti di WEB Aruba lo tuma contacto cu DIP pa investiga un ke otro.
