Diahuebs atardi a despues di cu e auto a bolter na Macuarima y mientras e 2 muchanan herida tabata ser atendi pa ambulans polis a logra di haya e chauffeur y co-responsable di e actonan di destruccion na un cas un rato prome na Macuarima na un adres poco mas pabao di unda e auto a bolter. Polis a logra di detene e sospechoso y a solicita vehiculo di transporte pa hiba e sospechoso aki pa warda di polis na Santa Cruz. Varios palabra menazante a ser dirigi den direccion di e polis ora a bin busk’e cu e vehiculo di transporte pa detenidonan.
