Diasabra anochi a drenta informe di un accidente cu hende herida y pega den auto na Driemasterstraat, mesora a dirigi tanto polis, ambulans como tambe e equipo di rescate di bombero na e sitio. Na yegada di e patruya a bin compronde cu pa motibo di velocidad halto e chauffeur a perde control y a bay dal dal riba e mata di kwihi. Debi na e impacto e chauffeur a keda pega den e auto y mester a warda e equipo di rescate yega y libere pa sak’e for di e auto. Mientras tanto polis a papia cu e chauffeur cu tabata na tino. Na yegada di e ambulans nan a cuminza controla e victima y na yegada di bombero a corta e auto pa asina a logra saca e victima y transporte pa hospital.
