Si nan kita un suma mas halto cu locual cu abo a autorisa TA LADRONICIA?

Sr. Redactor permiti mi un espacio den boso medio. Ultimamente mas y mas nos como cliente di banco ta ser pusha pa swipe cu carchi di banco. Pero mi ta recomenda un y tur revisa y controla locual ta sosode den boso cuentanan bancario pa boso no haya sorpresa. Mi a bin ta ripara cu cada biaha mi tin menos placa riba mi cuenta na banco mientras den mi cabez mi sa cu mi tin tanto placa pero ora bay controla mi a haya pruebanan di cu CMB ta kitando mas placa di locual cu mi a pin autorisa. Con esaki por ta posibel? Si mi a swipe cu carchi di CMB pa AFls. 150,00 ki mishi nan (CMB) kita AFls 150,84 for di mi cuenta? Djies imagina si mi swipe 100 biaha den un luna claro cu pa fin di luna mi tin 84 Florin menos. Esaki NO POR! Awe ta 84 cent, mayan lo por ta 5 florin? anto otro aña kizas 10 Florin? Shonnan controla pasobra bo no a autorisa un suma mas halto di locual bo a pin!