Diasabra mainta a drenta varios yamada di cu un homber ta agrediendo un dama den auto riba e caminda di Madiki pa Eagle y despues dilanti Playa Liquor e homber a manda e auto bay dal riba mata di kwihi net dilanti banda di e dama. E homber a baha pia abao y core bay drenta sconde den mondi y despues desaparece. Polis a yega na e sitio y a nota cu e dama ta herida y a solicita presencia di ambulans como tambe e recherchenan y e investigadornan technico. Na yegada di e ambulans nan a atende e dama y a transporte pa hospital.
