Douanero a bira malo tras di stuur bay dal fuertemente tras di un pick-up mande bay dal tras di un taxi y pega e pick-up riba un palo di lus y e auto a bolbe dal un biaha mas
Diamars atardi a drenta informe di un accidente cu hende herida na Camacuri, mesora a dirigi tanto polis como ambulans na e sitio. Na yegada di e patruya a bin compronde cu e douanero chauffeur di e auto di douane a bira malo tras di stuur bay dal fuertemente tras di un pick-up, mande bay dal tras di un taxi, y pega e pick-up riba un palo di lus y e auto a bolbe dal un biaha mas. Afortunadamente e chauffeur di e pick-up apesar di e cuatro impactonan aki no a resulta herida. Na yegada di e ambulans mesora nan a atende e douanero y a transporte cu urgencia pa hospital.
