Diabierna mey anochi a drenta informe di un accidente cu hende herida banda di Morning Supermarket na Paradera, mesora a dirigi tanto polis como ambulans na e sitio. Na yegada di e patruya a bin compronde cu e Jeep Grand Cherokee biniendo for di Seroe Patrishi bayendo direccion di e rotonde Paradera cu velocidad halto a baha caminda na man drechi dal un palo di lus kibra y bolter. Debi na e impacto e chauffeur a resulta herida y e palo di lus mes a keda colga. Na yegada di e ambulans nan a atende e victima y a transporte pa hospital. 2 Cas so a perde suministro di coriente, Elmar a presenta y a inicia e trabaonan pa re-establece e suministro na e 2 casnan ey y cambia e palo di lus.
