Recientemente na scol di polis E.J. Watty Vos na San Nicolas a tuma lugar un “Drive By”. Dor di reglanan imponi pa covid-19, mester a haci adaptacion pa asina famianan di e studiante por presencia e parti importante di nan carera cu ta e huramentacion.
Den presencia di Ministro di Husticia mr. Andin Bikker, Hefe di scol di polis E.J. Watty Vos Sra. Jeannette Richardson-Baars y comisario Sra. Irma Gordon, 15 studiante di klas 2019 cu ta haciendo nan studio di MBO nivel 4 a huramenta. Cu e trayectoria aki e studiantenan awor por subi caya pa 4 siman pa stage. Esaki ta un fase importante pa nan carera policial.
Nos organisacion ta hoben pero nos ta conta cu homber y muhernan balente cu ta trahando dia y anochi na bienestar di nos pais.
Nos tin un solo meta en comun pa brinda e seguridad, combati criminalidad. Pabien na Klas 2019 awor e parti importante ta inicia. No lubida kico bo a siña, keda cu e disciplina y respet pa forma bo carera policial exitosamente.
