Dialuna anochi a drenta informe di un accidente inda cu un vehiculo lo a bolter y ta na candela, mesora a dirigi tanto polis, ambulans como tambe e equipo di rescate di bombero na e sitio. Na yegada di e patruya ma e sitio a bin compronde for di un chauffeur cu a declara cu e Hyundai Accent biniendo si tras a dal e, kita bay den banda, dal palo di lus y bolter. E impacto aki a causa cu e wheel di e auto dilanti a kibra y keda dibanda. E Hyundai Accent cu tabata maneha pa un dama a logra sali di e auto cu su mesun forsa. E tabata na tino y tabata keha di masha hopi dolor. Na yegada di e ambulans nan a atende e victima, mientras na yegada di bombero a bay den standby ya cu e auto por a pega na candela. Elmar a ser avisa ya cu ademas di a kibra e palo di luz e coriente to alta voltaje a keda connecte, pues e coriente no a bay y e palo tabata colga, Elmar mester a kita coriente pa por a traha riba e palo di luz. Ambulans a transporta e victima pa hopital. Polis a sera e caminda pa asina eherce nan investigacion pa haya sa realmente con e accidente aki a sosode
