Awemainta directora di Biblioteca Nacional Aruba, sra.Astrid Britten, a ricibi 2 ehemplar di un publicacion specialtitula ‘Maternidad: di soño pa realidad’ for di sr. Ramon Todd Dandare. Esaki ta un contribucion valioso pa e Coleccion nacional. ‘Maternidad: di soño pa realidad’ ta un publicacion di artista visual y potretista sr. Gustave Nouel y modelo y actriz, sra. Zuleika Coffie. E publicacion ta e expresion final di un trayecto artistico cu ta encera un serie di cuadra, documentacion di pensamento y experencia, organisacion y produccion di diferente exposicion.
E texto riba e buki ta splica: “E buki ta refleha un biahe interior den e bida emocional di un hende muhe na estado. Un dia su mama a trece na mundo y como hobencita el a desaroya su mes di adolescente pa muhe adulto, cu awor e mes na punto di reproducisu mes. E criatura tan spera ta anuncia su mes den palabra poeticoy ta cuminsa crece cu e pensamentonan cu ta extende nan mes rond mundo. E pintura- y poesianan ta representa e momentonany e cambionan cu un hende muhe ta experencia, como tambe e interaccion entre naturalesa y individuo. Hunto cu e pinturananexcepcional e poesianan ta respira e aire embarasa di e palabrananfecunda.”
Ta trata di un serie di cuadra cu pintor profesional Gustave Nouel a pinta di modelo y actriz sra. Zulaika Coffie. Durante henterZulaika su embaraso y net despues di nacemento di su yiu muheLilian na 2015, modelo y actriz Zuleika Coffie a ‘pose’ pa un serie di 34 pintura titula ‘Maternidad’. Zulaika Coffie durante basta tempo a documenta su pensamentonan y desaroyo personal.
Na 2015 y 2016 tabatin diferente exposicion y actividadnanartistico na Apeldoorn, Rotterdam y Amsterdam di e proyecto aki.Pa por haci e buki posibel, e dos artistanan a traha hunto cudiferente persona creativo y dinamico pa realisa un publicacion. Den e buki e lesador por sigui e desaroyo personal, pensamentonan, experencianan di un embaraso pa medio di texto y imahen.
Textonan na Hulandes a keda traduci na 3 otro idioma. E texto Hulandes a ser revisa pa e escritor Benne Solinger y traductor Fred de Haas. E texto na Ingles a ser revisa pa Maureen Berkel. E textonan na Papiamento y Spaño a ser revisa y coregi pa Ramon Todd Dandaré. Diseño grafico ta di sr. Steffen Maas y produccion di LM publishers. ISBN 978 94 6022 5260. E buki ta na benta na Plaza Bookshop y libreria Van Dorp y cerca sr. Ramon Todd Dandare. Pronto lo tin mas ehemplar disponibel na biblioteca papublico por fia.
E publicacion a bira posibel cu sosten financiero di: UNOCA (Union di Organisacionnan Cultural Aruba), Vertegenwoordiging van Nederland in Aruba (VNO), Servicio di Telecomunicacion di Aruba (SETAR N.V.), Fundacion Cas pa Comunidad Arubano (FCCA) y Fundacion Corector di Papiamento (FCP).
