Grupo di Betico a saca su cancion “Keda Leu” specialmente pa yuda concientiza e pueblo pa combati e virus

Admira aki e cancion nobo di Grupo di Betico cu tin e titulo: KEDA LEU.E idea di e cancion aki ta pa conscientisa nos hendenan pa tene distancia. E situacion na Aruba no ta parce di ta domina, paso si boso mes weita eyfo, hopi hende no ta atene nan mes na e protocol y sigur no ta mantene espacio.Pesey nos suplica na boso, pa yuda nos y yuda Aruba pa baha e contagio conscientisando e hendenan pa KEDA LEU di otro… duna cada ken e espacio cu nan mester pa ta safe. Yuda nos scapa bida di esnan mas vulnerable…Cada biaha cu resona e cancion, menciona di boso mes pa corda Tene Distancia…DJ-nan y miembronan di prensa tin e poder pa pusha algo den e oyente su cabes… pls yuda nos yuda Aruba. Vooral awor cu hospital tambe a anuncia cu nan ya no tin capacidad extra mas, nos mester purba baha e cantidad.

Titulo ta KEDA LEUCompositor: Gos Oduber

Cantante: Miguel Genser

Musicalisacion: Grupo di Betico

Graba na Infinite Studios

Mixdown y mastering: Gilner Dirksen

Videoclip by: Dani Cruz
Manera menciona e inspiracion a bin di e situacion cu nos ta bibando actualmente, unda cu si nos tene distancia di otro, nos por scapa bida, pero nos no ta haci’e, door di custumber cu nos tin di braza otro y hasta sunchi otro, ora nos topa un amigo, amiga of familiar… Pues pa nos evita esaki, mi a pensa cu un cancion unda bo ta ripiti e palabra cu lo corda bo pa tene distancia lo por yuda y hasta bira porta un stopwoord, manera nos ta yame na hulandes. Pues un palabra cu lo bira mane un custumber pa uza. Y nos a pensa riba KEDA LEU.Normalmente e palabra KEDA LEU lo ta bisando bo pa keda leu di un problema y aki ta mescos. Keda Leu di un posibel contagio cu por afecta hopi otro y hasta ocasiona situacionnan fastioso pa sernan keri cu porta no por sobrebibi e situacion cu e virus ta hinca nan aden. Si bo scucha e testimonionan di diferente persona, unda nan ta conta con malo nan a pasa, siendo hopi di nan hobennan yena di bida, sin ningun complicacion di salud, bo por imagina ki resultado esaki por tin pa e grandinan cu si hopi biaha tin complicacionnan di salud.

Pa e motibo aki nos ta purba di yega na un mensahe cu por yega tanto na e grandinan como na e hobennan. Y nos a scohe un ritmo cu por touch tur 2 generacion. Un Reaggae Crioyo. Suave pero alegre cu ta haci cu bo ta canta hunto cu ne y hinca e palabranan KEDA LEU den bo cabes pa bo keda corda cu ta importante pa tene distancia.