“Nos no por pensa riba awo so, nos no por core bisa si y tuma e placa sin worry cu e consecuencianan pa mañan”
Dialuna mainta durante Conferencia di Prensa semanal di Gobierno di Aruba, Prome Minister Evelyn Wever-Croes a dunaun update riba e negociacionnan cu Hulanda. Manera ta conocipa motibo di Covid Aruba ta den un situacion hopi dificil naunda cu a cera fronteranan na maart cortando asina den e aderprincipal di nos economia cu ta turismo. Despues di a controlaCovid y a yega na cero caso, a habri frontera bek pa cuminsareactiva nos economia bek y na juli a drenta 12 mil turista, naaugustus a drenta 17 mil turista. Esaki logicamente no por wordo compara cu loke Aruba ta custumbra di haña. Esaki sigurkiermeen cu entradanan di Gobierno ta kedando atras, e gastonan a wordo baha hopi pero ainda nan ta mas halto cu e entradanan.
Prome Minister a duna di conoce cu na e momento aki Gobiernota den negociacion ainda cu Hulanda. Hulanda a propone alguncambio cu lo wordo discuti den e proximo dianan.
“Tin espacio ainda y p’esey mi kier pidi comunidad di Aruba pa keda trankil y duna Gobierno e espacio pa por negocia e mihodeal cu ta posibel pa Aruba. Nos no por pensa riba awor so, nosno por core bisa si y tuma e placa sin pensa kico ta e consecuencianan pa mañan”, Prome Minister a enfatisa.
Prome Minister a duna di conoce cu e ta sigur cu Aruba no por bay cumpli cu algun condicion cu Hulanda ta pidi riba terminohopi cortico por lo tanto ta necesario pa tuma tempo pa splicaHulanda cu esey no por keda riba mesa.
“Pasobra ta tanto bal bo ta yuda mi awor y aki dos luna bo ta bin cu medidanan mas fuerte of tur e condicionnan cu bo ta pone den e ‘lands pakket’ cu aki dos luna mi mester cumpli cu nan”, Prome Minister a duna di conoce.
Prome Minister a indica cu tin condicionnan cu ta pone cu lomester bay pone 100 pa 200 hende extra traha den Gobiernocual no por haci pasobra tin cu baha e gastonan di Gobierno.
Prome Minister a splica cu e negociacionnan ta complica y Gobierno ta buscando un balance den e negociacion y den e condicionnan y busca un balance den e bienestar di e ciudadanodi pais Aruba cual ta e meta mas importante den e negociacionnan aki. E mandatario a agrega cu Aruba tin espaciofinanciero ainda pa purba na yega na e miho pakete di condicioncu ta posibel.
“Mi ta nota cu den comunidad tin antagonismo y insulto riba e tema aki. Na e momentonan aki nos mester di paz y trankilidadpa atende cu tur e retonan cu nos ta enfrentando comoGobierno. Mi kier pidi tur esnan cu ta pone insistencia ribaGobierno di firma awor sin sa kico tin riba mesa, pa por fabor no ban romantisa e deal aki cu Hulanda. No kere cu si mañan mi firma tur problema di Aruba ta soluciona pasobra esey no ta e caso. Na momento cu nos firma ta hopi condicionnan cu ta bay hopi leu ta aplicabel riba Aruba”, Prome Minister a duna di conoce.
Prome Minister ta recorda cu Hulanda mes ta esun cu a imponeriba Aruba mei mei di e crisis aki pa corta 35 miyon di cuidomedico (AZV). Kico ta e consecuencia awor di esaki? Dokternan, boticanan, specialistanan ta protesta.
“Pues no laga nos romantisa e propuesta aki. Nos ta bezig ta deal cu Hulanda y nan no tin e sentimneto cu ta biba akinan naAruba. Nan no ta compronde e embargadura cu nos ta adenpasobra asina hamas Hulanda lo a impone pa corta den cuidomedico. Corsou nan no a impone pa corta den cuido medico, St Maarten tampoco y Hulanda mes no ta corta den cuido medico. Es mas Hulanda ta bay paga su empleadonan den cuido medico mas placa”.
Gabinete Wever-Croes ta pone tur cos den balansa. Como Gobierno nos a demostra e ultimo 3 añanan aki cu nos ta un Gobierno serio, responsabel y nos ta pone e ser humano naprome luga. Esaki ta loke nos ta haciendo aworaki tambe. Duna nos e credibilidad y espacio pa haci esaki den tur trankilidad”, Prome Minister Evelyn Wever-Croes a termina bisando.
