Diabierna atardi a drenta informe di un accidente cu hende herida pariba di Ultimate Automobiles na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Hyundai no a regula su velocidad ni a mantene distancia a bay dal tras di e Chevrolet Spark su dionti cu a para pasobra e auto su dilanti a para pa bay bira na su man robez y e Hyundai a dal tras di e Spark. Den e Spark tabata tin 2 hende y ambos e chauffeur como tambe e pasahero a resulta herida. Un tabata keha di dolor na su pia y e otro na su pia y barica. Na yegada di e ambulans nan a atende ambos y a transporta nan dos pa hospital.
