Dialuna anochi a drenta informe di un persona cu lo no ta pertenece na e famia ey mas lo maltrata e señora y e yiu na Hubadastraat, mesora a dirigi un patruya na e sitio. Na yegada di e patruya a bin compronde cu aki ta trata di un caso di maltrato unda un persona lo a haya golpi na su cara y su boca ta sangrando, e patruya a solicita presencia di un ambulans na e sitio. Na e sitio polis a detene un sospechoso y a solicita presencia di e vehiculo di transporte di detenidonan. Na yegada di e ambulans nan a atende e victima cu tabata sangra na su boca. Un rato despues e mama a bira malo e tabata sinti dolor di cabez y su presion a baha y polis a solicita presencia di un otro ambulans na e sitio. Aparentemente e homber lo a presenta na bao influencia na e sitio y a gara e dama na su garganta y a choca esaki, debi cu e ta sospecha cu su pareha ta cu su bisiña, e yui di señora lo a haya sa cu su mama a ser maltrata y a yega na e apartmento pa asina haya e homber aki anto hunto cu un amigo di e yui nan a cuminsa bati e homber unda a hasta saca tambe un arma blanco cual segun un testigo ta bisa ta trata aki di un machete. Pero na yegada di polis e amigo a logra huy pero a detene e yui mientras a busca e amigo cu a logra huy como cu e amigo ta esun cu tabata cu e arma. Ambulans a transporta e homber pa hospital. Famia di ambos banda tambe a yega na e sitio y a start un confrontacion pero polis a logra domina e situacion y a calma e cuenta y a aleha nan for di e sitio. Despues di un rato otro ambulance mester a presenta mirando e señora lo a bira malo unda paramedico a atende na e sitio mes.
