Diadomingo anochi alrededor di 8:08 polis a duna e Nissan Cube A71914 ordo pa e para pero esaki a neglisha ordo di polis y a start un persecucion den Parkietenbos y Kas Paloma. E patruya a pidi pa refuerzo pa asina yuda pa para e vehiculo aki. Un rato despues e auto aki a yega para dilanti di un cas na Kas Paloma eynan e dama chauffeur a baha core bay drenta paden pa asina logra atende cu e dama. Na prome instante e dama no kier a sali y polis a haci e preparativonan pa adkiri un fiscal auxiliar na e sitio pero na un dado momento e dama a sali y mesora nan a detene. E detencion no a bay facil ya cu e dama a resisti y net na e momentonan ey refuerzo a yega y a logra pone e dama na boei y pon’e den e patruya en espera di e vehiculo di transporte pa detenidonan.

•