Diaranson mainta a drenta informe di un accidente riba Caya G.F. “Betico” Croes na e crusada pa bay Seroe Biento. Polis a presenta na e sitio y a atende cu dirigi trafico como tambe tuma datos di e chauffeurnan di e accidente aki. Aki a trata di un accidente pa falta di preferencia unda chauffeur di un Toyota Vitz biniendo for di Seroe Biento a subi Caya G.F. “Betico” Croes sin paga bon tino y a dal den banda di un Honda CRV bayendo pariba mandando esaki bay den trafico contrario. Afortunadamente ningun person a resulta herida den e accidente aki.
