ORANJESTAD – Pelican Adventures ta cla pa yamabo ‘Bon Bini’ abordo di su catamarannan y brinda su servicio acuatico despues di a haci adaptacionnan necesario basa riba e protocol di higiena y salud presenta pa ATA y DVG segun e programa di Aruba Health & Happiness Code (HHCode). E motibo tras di e adaptacionnan aki ta pa sigura cu Pelican Adventures ta cla pa e ‘normal nobo’ tumando pasonan di precaucion y higiena pero tambe percura pa e catamarannan ta na nivel necesario cu nos bishitantenan ta spera abordo pa cu higiena y salud.
Entrante diabierna awor, 19 di Juni, Pelican Adventures ta cuminsa opera cu dos di su excursionnan na un prijs atractivo specialmente pa local. Brindando servicio pa mas di 30 aña caba na e pueblo di Aruba, nos lo inicia na ofrese nos “Sailing & Snorkeling Cruise” y tambe
“Sunset Cruise” como inicio di e re-apetura di Pelican Adventures. Ta importante pa menciona cu pa motibo di higiena, seguridad y salud di cada bishitante, e maximo capacidad di cada catamaran lo baha cu 50% pa asina cumpli cu e protocol di ATA y DVG basa riba tres punto cardinal cual ta:
distancia (fisico) social, guia di higiena y limpiesa. ‘Sailing & Snorkeling Cruise’ lo ser opera riba Diasabra y Diadomingo saliendo 2’or di atardi for di Pelican Pier te cu 4:30 di atardi. Ta importante pa menciona cu ta suplica na tur bishitante pa tey presente for di 1:30 di atardi pa inicia cu e proceso di check-in. Prijs pa adulto ta 60 florin y prijs pa mucha entre 4 cu 12 aña ta 40 florin, cual ta inclui 2 localidad cu oportunidad pa snorkel, equipo di snorkel, open bar y snacks. ‘Sunset Cruise’ lo ta saliendo Diabierna, Diasabra y Diadomingo for di 5:30 di atardi t’e cu 7:30 di anochi cu salida for di Pelican Pier. Check-in ta inicia 5’or di atardi. Prijs pa adulto ta 60 florin y prijs pa mucha entre 4 cu 12 aña ta 40 florin. E prijs ta inclui open bar y snacks. Pelican Adventures lo tin prijsnan attractivo pa Charter Priva, sea cu bo kier celebra ‘spula krijt’ cu colleganan/docentenan, cumpleaños, anniversario, dia di famia, team-building cu empleadonan y mucho mas, por tuma contacto cu nos libremente via e-mail sales@pelicanaruba.com of na telefoon 5872302 y nos equipo di benta lo sa di assisti bo cu esaki. Nos lo tin tres catamaran na disponibilidad si bo ta desea un trip priva di 2 ora minimo of mas, abase di e cantidad di persona den e grupo nos lo sa di recommendabo un catamaran. Nos Private Charters ta inclui localidad(nan) pa snorkel, equipo di snorkel, bar y snacks. Durante e proceso di check-in, aborda, sinta of para abordo y baha for di e catamaran, lo tin stickernan di indicacion pa asina indica unda bishitantenan tin cu para warda pa check-in tambe aborda y baha for di e catamaran pero tambe abordo mes lo indica unda e bishitantenan por sinta of para recordandonan riba distancia social. Durante di e tripnan lo percura pa tin hand sanitizer abordo, pa e tripulantenan hasi rondanan di limpiesa frequentemente, lo evita
aglomeracion na bar y lo demas adaptacionnan necesario segun protocol di e programa HH-Code.
Pa reservacion y/of compra di ticket of informacion pa e ‘Sailing & Snorkeling Cruise’ y/of ‘Sunset Cruise’, por acudi na oficina principal di Pelican Adventures situa na J.E. Yrausquin Boulevard 232,
por tuma contacto cu nos oficina principal na 587-2302 of via WhatsApp na 594-2716. Por manda nos un mensahe via nos pagina di Facebook @Pelican Adventures of via pagina di Instragram @PelicanAdventuresAruba pa mas informacion y/of reservacion di ticket. Ta encurasha pa paga cu Maestro of Credit Card, si ta cu effectivo, si por tin esaki exacto pa evita aglomeracion den establecimento.
Pelican Adventures ta y lo enfoca hopi riba labamento di man y uzo di hand sanitizer tanto di e empleadonan y tripulantenan pero tambe di e clientenan/bishitantenan. Nos por sigura tur nos clientenan/bishitantenan, cu tur e empleadonan y tripulantenan di Pelican Adventures lo hasi
uzo di tur normanan di precaucion. A percura pa Pelican Pier completo, incluyendo catamarannan di Pelican Adventures ta tuma tur pasonan necesario pa segura un mihor systema di higiena y salud pa e clientenan/bishitantenan pero tambe su empleadonan y tripulantenan.
Staff y personal di Pelican Adventures kier a gracidi pueblo di Aruba di antemano pa e apoyo brinda pa mas di 30 aña y alaves nos kier a extende un invitacion na un y tur pa bin disfruta di un experencia acuatico unico y di calidad na unda cu nos staff ta hopi entusiasma y prepara pa sirbi
nos clientenan/bishitantenan cu hopi energia, servicio di calidad, tirpulantenan certifica, equiponan aproba pa National Geographic, bar bon surti, delicioso snacks y hopi divercion den seno familiar y/of cu amistadesnan.
