Diamars atardi a drenta informe di un accidente na Cura Cabay un tiki pariba di JR Autocenter y cu un di e partido envolvi lo a trata di huy for di e sitio. Sinembargo na e sitio a encontra ambos auto envolvi. Segun informe di esnan presente e auto Toyota Zelas tabata biniendo di pariba ora for di un T-kruising un Honda Fit mester a subi e caminda y a dal parti patras di e Toyota. Aki e 2 partido a jega na un accuerdo pa man mes regla entre nan mes. Ambulance a wordo pidi na e sitio pa atende cu un señora cu tabata den e Toyota debi cu a accidente a lage basta spanta. Despues di un check-up medico den Ambulance a constata cu aunque hopi spanta, no tabata tin motibo pa bai cu ne hospital. Polis a compila tur dato cu nan mester pa traha nan rapport.
