Dialuna mainta a drenta informe di un accidente cu hende herida riba e rotonde na Balashi, mesora a dirigi tanto polis como ambulans pa e sitio. Na yegada bin constata cu aki ta trata di un accidente unda chauffeur di un Nissan Almera lo a subi e rotonde sin duna preferencia na un Hyundai I10 riba e rotonde y a dal den banda di esaki. Un di e ocupantenan di e Hyudai i10 tabata keha di dolor y a desea asistencia medico di ambulans. Ambulans a presenta na e sitio y a atende cune y transporte pa hospital pa tratamento medico. Debi cu e Nissan Almera no tini ningun papel regla polis a haya su mes obliga di confisca esaki. E takelwagen cu a buska e auto aki lo mester a causa danjo na e bumper di e Nisan Almera y e donjo di esaki no a gusta mucho y a expresa si disgusto di esaki mas cu e disgusto di e inicio accidente.
