Diadomingo atardi a drenta informe di un caso unda un mucha lo mester a guli mucho awa, mesora a dirigi polis na e sitio. Na yegada enberdad a bin compronde cu un mucha di 2 anja cu lo a guli mucho awa y lo no tabata reaccionando. Ambulans cu tabata prome na e sitio a sali cu maximo urgencia pa hospital cu guia di polis. Di parti di Awe24.com nos ta manda palabranan di profundo condolencia na famianan di e angelita cu a fayece.

CUERPO POLICIAL TA INFORMA:

Mucha di dos aña ta hoga den pool na Papilon

Diadomingo atardi pa 2:02 central di polis ta wordo notifica door alarm central cu un mucha lo a haya problema den pool na un cas na Papilon na Sta Cruz. Di biaha ta despacha un patruya na e cas. Na yegada di patruya ta encontra cu personal di ambulance na unda cu a informa cu nan ta bay cu e mucha muhe di dos aña di edad cu urgencia pa hospital.
Na yegada ta haci lo posibel pa salba e baby pero lamentablemente pa 2:44 dr Rafael-Croes ta constanta morto di e criatura C.A.Z.S. naci na Aruba 15 februari 2018 ( 2 aña di edad).
Cuerpo policial ta manda palabra di condolencia y forsa na mayornan y famia di e criatura.

• 

• 

•