Diaranzon marduga autoridadnan competente en conjunto a yega na e Caya Frere Johannes # 22, pa asina haci un entrada judicial cu orden di detencion pa 3 persona y confisca un UTV y un Daihatsu Terios. Ta trata aki di un caso di investigacion di labamento di placa y evacion di impuesto. Esnan cu a ser deteni ta Richard Rasmijn, su sobrino Cesmar Rasmijn y su pareha Niurka Ramirez. E 3 sospechosonan aki mester bay responde pa nan envolvimiento den cosnan illicito. Pa colmo durante e buskeda na e cas a bin logra haya hopi placa, droga y tambe arma di candela. Ministerio Publico a informa awemainta cu e accion aki ta di Afpakteam, cu ta un cooperacion entre varios departamento hudicial, manera ta Ministerio Publico, Cuerpo Policial Aruba, FIOt di DIMP, Koninklijke Marrechaussee y Warda Costa di Caribe Hulandes. Ta sospecha cu e grupo aki lo ta envolvi den labamento di placa. E investigacion ta tumando lugar pa bastante tempo caba, den cual a acumula suficiente prueba pa awor detene e sospechosonan y prepara pa presenta nan dilanti Hues.
