Diasabra anochi a drenta informe di un accidente cu hende herida dilanti edificio di Parlamento na L.G. Smith blvd, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto Toyota Yaris a dal un peaton cu a cruza caminda. Na e momento despues di cu e auto a dal e peaton a hala e victima y a pone riba e acera. E victima a resulta levemente herida y tabata keha di dolor na su man robez. Na yegada di e ambulans nan a atende e victima na e sitio mes y no tabata necesario pa transporte pa hospital.
