Dialuna merdia a drenta informe di un pelea entre 2 ruman y un di nan ta cu pia kibra na Edenstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso unda cu e mama a sali bay haci respondi y a bisa su yiunan comporta y no sali afo. Pero un a mustra e otro ruman cu e ta sali toch y eynan a start un pelea formal entre nan unda ora un a cay ela kibra su pia. E otro ruman a ser deteni mientras e ambulans a bini pa e otro cu tambe a ser deteni. Awor ambos ruman ta deteni.
